Mamlakatimizda neft sanoati bilan bog‘liq dastlabki jarayonlar 1885 yildan boshlangan. O‘sha davrda Farg‘ona viloyatidagi “Chimyon” qishlog‘i yaqinidagi ikkita quduqdan neft qazib olingan.
Qaror va ijro
Prezidentimiz Shavkat Mirziyoyev neft-gaz sanoati rivojini tizimli tashkil etish va takomillashtirish borasida muhim ustuvor vazifalarni belgilab bergan. Shu talablardan kelib chiqib, yurtimizda neft va gaz sanoatini rivojlantirish uchun xorijiy investitsiyalarni jalb qilishga alohida e’tibor qaratilmoqda.
O‘zbekiston Respublikasi Vazirlar Mahkamasining 2020 yil 7 fevraldagi "Farg‘ona neftni qayta ishlash zavodini modernizatsiya qilish va rekonstruksiya qilish to‘g‘risida"gi qarori bilan zavod Farg‘ona neftni qayta ishlash zavodi "Jizzax Petroleum" MCHJ ishonchli boshqaruviga o‘tkazilgani ham bunga yaqqol misoldir.