Farg‘ona neftni qayta ishlash zavodida har yili o‘tkaziladigan professional mahorat tanlovi – “Mutaxassislar bellashuvi”ning final bosqichi bo‘lib o‘tdi. Xodimlarning malakasini oshirish va rag‘batlantirishga qaratilgan tadbirda 20 dan ortiq ishtirokchilar, jumladan, zavod xodimlari hamda Farg‘ona politexnika instituti talabalari ishtirok etib, nazariy bilim va jamoa bo‘lib ishlashda amaliy ko‘nikmalarni namoyish etdilar.
Finalda to‘rtta jamoa bellashdi, ularning har biri qur’a tashlash orqali ustoz va o‘quvchilardan tuzilgan bo‘lib, bu musobaqaga qiziqarlilik bag‘ishlagan. Hakamlar ishtirokchilarning nazariy bilimlari, ularning reaksiyasi va birinchi yordam ko‘rsatish qobiliyati, shuningdek, uskunalar bilan ishlash bo‘yicha amaliy ko‘nikmalarini baholadilar.
Tanlovda nazorat-o‘lchov asboblari va avtomatika tsexi (12-tsex)ning radioizotop asbobsozlik guruhi ustasi Ortig‘ali Mamatyusupov jamoasi yetakchilik qildi. Ikkinchi o‘rinni suv ta’minoti, kanalizatsiya, bug‘, gaz, havo va ifloslangan yer osti suvlarini mahalliylashtirish tsexining muhandis-dispetcher Furqat Tojiboyev jamoasi egalladi (5-tsex). Uchinchi o‘rin birlamchi qayta ishlash tsexi (1-tsex) gazni fraksiyalash qurilmasi texnologi Otabek Rozimatov jamoasiga nasib etdi. Asfaltsizlantirish va selektiv tozalash sexining (6-tsex) katta mexanigi Ulug‘bek G‘afforov jamoasi ham ko‘rsatgan sa’y-harakatlari va qat’iyati uchun tashakkurnomaga sazovor bo‘ldi.
Direktorning kadrlar bo‘yicha o‘rinbosari Feruzaxon Boltaboyeva tanlovning xodimlar uchun ahamiyatini ta’kidladi: “Tanlov xodimlarimiz o‘rtasida tajriba almashish va kasbiy mahoratni oshirish uchun muhim platformaga aylandi. Ishtirokchilar a’lo bilim va ko‘nikmalarni namoyish etdilar, bu esa zavodimizda mutaxassislar tayyorlash yuqori darajada ekanidan dalolat beradi”.
Farg‘ona NQIZ Matbuot xizmati
