Amaliyot o‘quv jarayonining elementi sifatida talabalarning universitetda olgan bilimlarini mustahkamlash va kengaytirish, texnologiya va mehnatning ilg'or usullarini o'zlashtirish, ishlab chiqarish sharoitida mutaxassislik bo‘yicha ishlash uchun zarur amaliy ko‘nikmalarni egallash maqsadida amalga oshirilishi rejalashtirilgan.
2022-yil 10-martdan 30-aprelgacha ToshXTI “Neft va gazni qayta ishlash” yo‘nalishi talabalari “Farg‘ona neftni qayta ishlash zavodi” MChJda amaliyot o‘taydilar. Talabalar avval innovatsiyalar va xalqaro standartlarni joriy etish bo‘limi boshlig‘i Kamolxo‘ja Qodirov bilan uchrashuv tashkil etib so`ngra talabalarni zavodda amalga oshirilayotgan rekonstruksiya va modernizatsiya ishlari bilan tanishtirildi.
Amaliyot talabalarning mustaqil ishini rivojlantirishga yordam beradi. Amaliyot jarayonida talabalar o‘z oldiga qo‘yilgan vazifalar doirasida olingan bilimlarni amaliyotda qo‘llash; muayyan ishlab chiqarishda qo'llaniladigan texnologiya va jihozlarni o'rganish; jamoada ishlash ko'nikmalarini rivojlantirish; o'z-o'zini nazorat qilish, axborotni mustaqil tanlash va tizimlashtirishni o‘rganadilar.
Bugungi kunda potentsial ish beruvchilarning ustuvor talablaridan biri bu xodimning kasbiy malakasi. Amaliyot talabaga uning malaka darajasini baholash va uni universitetda o'qish jarayonida tuzatish zarurligini aniqlash imkonini beradi.
FNQIZ matbuot xizmati